Call for free delivery food 014720195 |
अनि
तपाईं आन्दोलनकारी
तपाईले हानेको ढुङ्गाको टुक्राले
मेरो गर्धनमा लाग्दा
तपाईं कति खुशि हुनुभो ।
तपाईलाई तपाईको जीत भएको आभाष भो है?
तपाईले हानेको ढुङ्गा नलागोस भनेर
म कुक्रुक्क परेर प्लास्टिकको सिल्डमा छेकिदा
तपाईं झनै हौसिदै अर्को ईटाको टुक्रा प्रहार गर्नुहुन्छ ।
तपाईं स्वतन्त्र हुनुहुन्छ
स्वतःस्फुर्त हुनुहुन्छ ।
तर
मलाई तपाईं सँग प्रतिकार गर्न पनि आदेश चाहिन्छ
मा....थीको आदेश।म चुपचाप तपाईले प्रहार गरेका ढुङ्गाका बर्षादहरु सहिदिन्छु ।
किनकि
मैले तपाईलाई एक लाठी हान्दा,
मानव अधिकारको उल्लङ्घन हुन्छ।
शक्तिको दुरुपयोग हुन्छ ।
कयौ क्यामेराका लेन्सहरु मेरो अगाडि तेर्सिन्छन् ।
CHEFNO TV subscribe on youtube
भिड नियन्त्रणको गरुङ्गो ड्रेसमा
हातमा लाठि र सिल्ड लिएर
तपाईले हानेका ढुङ्गा र ईटाका टुक्राहरु छेकिरहदा
तपाईले कहिल्यै सोच्नुभएन कि
म बिहानै देखि भोको पेटमा तपाईका प्रहारहरु सहिरहेछु ।
तपाईका सुन्नै नसकिने गालीहरु सहिरहेछु ।
चुपचाप चुपचाप....
महाशय !
तपाईको बिषय अरुसँग हुन्छ
तपाईको रिस अरु सँग हुन्छ
तर त्यो रिस मलाई पोख्नुहुन्छ
थाहा छ , तपाईं कुरा बुझ्नुहुन्छ
तर बुझेर पनि बुझ पचाउनुहुन्छ ।
के तपाईलाई थाहा छैन र?
मेरो पनि त परिवार छन्
घरमा बुढा रोगी बा आमा छन्
साना साना लालाबाला छन्
जिम्मेवारी बोकेकी जहान छिन्
यी सबैलाई छाडेर तपाईकै रक्षार्थ खटिएको हु महाशय ।
परार भुकम्प गो
भुकम्पले मेरो पुरै घर भत्कियो ।म घर जान पाईन ।
किनकि
मलाई तपाईको घरमा पुरीएका सामानहरु निकाल्नु थियो ।
पोहोर बाढी आयो
मेरो पुरै घर बाढि पसेर तहसनहस भो ।तै पनि म घर जान पाईन ।
किनकि
मैले तपाईको घरमा पसेको बाढिबाट तपाईको परिवार बचाउनु थियो ।
हरेक साल दशैं आउँछ
तिहार आउँछ
तपाईं हाँसी खुशि परिवार सँग चाडबाड मनाउनु हुन्छ
म त्यो चाडबाड मनाउन पाउन्न ।
किनकि
त्यो बेला झनै चनाखो भएर
तपाईहरुलाई नै केही होलाकि भनेर
राती पनि नसुतिकन चोकचोक कुद्नुपर्छ ।
के रिस तपाईलाई मात्र उठ्छ?
के हृदय तपाईको मात्र छ?
महाशय एकपटक सोच्नुस त!
म पनि तपाईं जतिकै उत्तेजीत भए भने के होला?
म पनि तपाईं जत्तिकै असंयमित भए भने के होला?
तपाईं सँग भएका ढुङ्गाका टुक्राहरु मलाई बर्साईरहदा
म सँग भएको राईफलको ट्रेगर दबाए भने के होला?
Our partner of business |
तपाई विज्ञापन गर्न चाहनुहुन्छ ?email us chefnoniki@gmail.com
सेफ्नो टीभी
CLICK HERE AND SUBSCRIBE YOUTUBE CHANNEL CHEFNO TV